მოდის, დიზაინისა და წარმოების სახლი SOTERI

კონცეფციიდან კოლექციამდე

თქვენი პარტნიორი სამოსის მდგრად წარმოებაში

Soteri მაღალი მოდის ბრენდზე მეტია — ის სამკერვალო ოსტატობისა და ინოვაციების შემოქმედებითი ცენტრია. ‘Alta Moda’-ს დიზაინისა და წარმოების ოთხი ათწლეულის გამოცდილებაზე დაყრდნობით, თითოეულ პროექტში ტექნიკურ ოსტატობას ვავლენთ.

ვთანამშრომლობთ წამყვან ქართველ და საერთაშორისო დიზაინერებთან, ასევე შემოქმედთა ახალ თაობასთან, რათა თამამი ჩანაფიქრები უმაღლესი ხარისხის, დახვეწილი ოსტატობით შექმნილ სამოსად ვაქციოთ.

ჩვენი გამოცდილება
უმაღლესი დონის სამკერვალო ოსტატობა Alta Moda-ს ოთხი ათწლეულის გამოცდილებით
Soteri ქართული სამკერვალო ტრადიციების მემკვიდრეობას თანამედროვე საწარმოო შესაძლებლობებთან აერთიანებს. ვქმნით კოლექციებს სხვა ბრენდების სახელით და ვთანამშრომლობთ მედიასააგენტოებთან, მაღალი კლასის სასტუმროებსა და მოდის ახალ სტარტაპებთან — შეკვეთის მინიმალურ რაოდენობას არ ვაწესებთ და ხარისხზე კომპრომისს არ ვუშვებთ. ჩვენი ატელიედან გასულ თითოეულ სამოსში ჩანს ხელით კერვის თაობებისგან მიღებული ცოდნა, თარგის დამუშავების დახვეწილი ტექნიკა და მასალებისადმი ღრმა პატივისცემა. ჩვენი გუნდი თითოეულ პროექტს პირველი ესკიზიდან ბოლო ნაკერამდე უძღვება, რათა თქვენ საკუთარ ხედვაზე კონცენტრირდეთ, ჩვენ კი მის ოსტატურად განხორციელებაზე ვიზრუნოთ. კუტიურის ერთეული ნამუშევრებიდან სრულ სეზონურ კოლექციებამდე, წარმოების მასშტაბს თქვენს საჭიროებებს ვარგებთ — თითოეულ შეკვეთას, მოცულობის მიუხედავად, მაღალი მოდისთვის დამახასიათებელი სიზუსტით ვასრულებთ.
ჩვენი სერვისები
ესკიზიდან მზა სამოსამდე
წარმოების სრული ციკლი ერთ სივრცეში — დიზაინის შექმნა, თარგის დამზადება, გამოჭრა, შეკერვა და საბოლოო დამუშავება.
01
კონცეფციის შემუშავება
თქვენს ესკიზებსა და იდეებს საწარმოებლად გამზადებულ დიზაინად ვაქცევთ, სამოსის დეტალური ტექნიკური სპეციფიკაციებითა და ზუსტი ტექნიკური ნახაზებით. თითოეული ზომა, ნაკერი და დამუშავების დეტალი დოკუმენტირებულია, რათა წარმოება პირველივე პროტოტიპიდან გამართულად წარიმართოს.

02

ეკოლოგიური მიდგომების დანერგვა
ზომების ზუსტად განსაზღვრითა და ქსოვილის ეფექტიანად გამოჭრით ნარჩენებს მინიმუმამდე ვამცირებთ. დარჩენილი ქსოვილი ცენტრალურ საქართველოში მდებარე სპეციალიზებულ საწარმოში გადამუშავდება და ახალ სიცოცხლეს იძენს — ამგვარად, მდგრადობა თითოეული სამოსის შექმნის განუყოფელი ნაწილია.

03

ქსოვილების მოძიება

სანდო და სერტიფიცირებული ევროპელი და ქართველი მომწოდებლების ქსელის მეშვეობით გთავაზობთ პრემიუმ ხარისხის მასალებს, რომელთა მიწოდების წყაროებსაც პასუხისმგებლობით ვარჩევთ. ტრადიციული მატყლის ქსოვილებიდან ორგანულ ბამბამდე და ინოვაციურ ტექნიკურ მასალებამდე — თითოეული კოლექციისთვის ვარჩევთ ქსოვილებს, რომლებიც მზა სამოსის ხარისხს კიდევ უფრო ამაღლებს.

 

04

თარგების & ნიმუშების დამზადება
ტრადიციულად, ხელით დამზადებულ თარგებს პროტოტიპების შექმნის თანამედროვე მეთოდებთან ვაერთიანებთ. თითოეულ მოსარგებ ნიმუშს ვხვეწთ მანამ, სანამ ყველა ნაკერი, ქსოვილის ვარდნა და დეტალი სრულყოფილი არ გახდება — შედეგად, იღებთ წარმოებისთვის გამზადებულ მოდელს, რომელიც ხარისხსაც იცავს და მოგების მარჟასაც.

05

წარმოება & შეფუთვა
დიზაინი და წარმოება ერთ სივრცეში, ხარისხის მკაცრი კონტროლით ყველა ეტაპზე. მზა სამოსს საგულდაგულოდ ვამოწმებთ, ვაუთოებთ და ვფუთავთ, რათა ის საცალო გაყიდვისთვის, პოდიუმზე წარსადგენად ან უშუალოდ მომხმარებლისთვის მისაწოდებლად მზად იყოს.
რატომ ავირჩიოთ SOTERI
შეკვეთის მინიმალური რაოდენობის გარეშე. მაქსიმალური მოქნილობა. რეალური მდგრადობა.
აირჩიეთ Soteri — შეკვეთის მინიმალურ რაოდენობას არ ვაწესებთ, მოქნილად ვმუშაობთ და ვზრუნავთ მდგრადობაზე, სისწრაფესა და თქვენს წარმატებაზე. კაფსულურ კოლექციას ქმნით, ატელიეში ერთეულ სამოსს ამზადებთ თუ სრულ კოლექციაზე მუშაობას აფართოებთ — ვერგებით თქვენს რიტმს, ბიუჯეტსა და ამბიციას. დროში გამოცდილი ტრადიციისა და მომავალზე ორიენტირებული დიზაინის შერწყმით თქვენს ხედვას რეალობად ვაქცევთ და ვქმნით სამოსს, რომელიც ხანგრძლივ შთაბეჭდილებას ტოვებს. ჩვენი სახელოსნო ის ადგილია, სადაც ტრადიციული ტექნიკა წარმოების თანამედროვე სტანდარტებს ხვდება, თითოეული ნაკერის მიღმა პასუხისმგებლობა დგას, თითოეულ ქსოვილს კი საკუთარი ამბავი აქვს. ერთად ვქმნით სამოსს, რომელიც ადამიანებს ახსოვთ, და ბრენდებს, რომლებიც დროს უძლებს.
ერთად შევძინოთ ახალი მნიშვნელობა ‘სამკერვალო ოსტატობას’ და ყველა ბრენდისთვის ხელმისაწვდომი გავხადოთ მდგრადი მოდა, რომლის წარმოების მასშტაბიც საჭიროებისამებრ იზრდება.
მოთხოვნები & კონტაქტი
მზად ხართ თქვენი პროექტის დასაწყებად?
ჩვენი სერვისების, ფასებისა თუ თანამშრომლობის შესაძლებლობების შესახებ ინფორმაციისთვის დაგვიკავშირდით ქვემოთ მითითებული პირდაპირი არხებით. თითოეულ შეტყობინებას პირადად ვპასუხობთ — ბოტებისა და საფოსტო ყუთში დაკარგული ფორმების გარეშე.